Punjabi and Punjab  ਪੰਜਾਬੀ ਤੇ ਪੰਜਾਬ

Mahiya, Tapey

ماہیا  ۔ ٹپے

ساڈے لوک گیتاں وِچ سبھناں توں مقبول تے پرانی صنف ماہیا  ای ہے۔ ڈیڑھ مصرعے دا اک شعر منڈے کڑیاں تے بندے زنانیاں سب گا سکدے نیں۔ ایس دا مزا  ای ایہدے وِچ ہے کہ کڑی منڈا   امنے ساھمنے بہہ کے مقابلے دے بول بولن۔ماہیا وِچ اکثر اک دوجے نوں 'ماہیا 'یا 'بالو 'کہہ کے بُلانٛدے ہن،  تے ایس وِچ دنیا بھر دا کوئی وی مضمون سمایا جا سکدا ہے۔ اختصار دے نال نال اثر آفرینی دے لحاظ نال شاعری دی شاید ای کوئی ہور صنف ایہدا مقابلہ کر سکدی ہے۔ساندل بار وِچ ایہنوں 'ماہیا' ، کانگڑے وِچ سِبّی، ایبٹ آباد دے وِچ 'قینچی' تے کِتے بھنگڑے کہنٛدے ہن۔ ٹپے گاؤن دا کوئی موقع نہیں ویکھیا جاندا بلکہ ایہہ خوشی دا اظہار ہُندا ہے:۔

اسمان تے اِل بھوندی
تیری میری اِک جِندڑی
خواباں وِچ مِل پاؤندی

---------------------------------

تصویراں  نہ  مِلیاں
دو دل مِل بیٹھے
تقدیراں   نہ  مِلیاں

---------------------------------

چھتری  دی چھاں  کر  جا
اَج کِتے ملنے دی
ہولی جئی ہاں کر جا

---------------------------------

ساڈے بُوہے اگے شاہ دولہ
دِنے سانوں غم رہندا
راتیں  یار  ملا  مولا

---------------------------------

پنجابی شاعری -    Punjabi Poetry
پنجابی شاعری دے انداز -    Punjabi Poetry

 


کھوج کے لئے الفاظ بغیر اعراب  ( یعنی زیر زبر وغیرہ ) کے لکھیں۔


Folk-1         Folk-2         Folk-3         Folk-4         Folk-5         Folk-6         Folk-7         Folk-8         Folk-9        
بولیاں         ڈھولا         ماہیا ۔ ٹپے        

بیت ۔ بینت
سُوچی

Back to Previous Page