جی آیاں نوں! پنجابی فورم دا مُڈھ تے مقصد

[SaNjhi Punjabi]

سارے بھیڽ بھراواں نوں السلامُ علَيكُم، جی آیاں نوں!

رب سوہݨے دے فضل و کرم نال اَج اَسیں ایس پنٛجابی فورم دا باقاعدہ مُڈھ بنّھ رہے آں۔ اِیہہ بیٹھک خاص طور تے ساڈی ماں بولی پنٛجابی دِی سانٛجھ، وادھے تے سار سن٘بھال واسطے بڽائی گئی ہے۔

ساڈا مقصد کِیہ ہے؟
ماں بولی دِی سیوا: پنٛجابی زبان، شاہ مُکھی لِکھت، گرائمر، اکھان، محاورے وغیرہ بارے سِکھڽ تے سکھاوڽ دا ماحول بنانا۔ اِیتھے تُسیں کسی وِی پنٛجابی لفظ دا مطلب پُچھو سکدے ہو یا دس سکدے ہو۔
ادب تے شاعری: صوفی شاعراں (بابا فرید، بلھے شاہ، وارث شاہ، میاں محمد بخش ہوراں) دے کلام توں لے کے اَج کل دے نویں ادب تے شاعری نُوں سانٛجھا کرنا۔
پنٛجاب دی ثقافت تے تاریخ: پنٛجاب دِی رہتل، تاریخ، رہن سہڽ تے رِیت رواجاں نُوں محفوظ کرنا۔
اِک دوجے نال سانٛجھ: دنیا بَھر وِچ وَسدے پنٛجابیاں نُوں اِک پلیٹ فارم اُتے اِکٹھا کرنا جِتھے اوہ اخلاق دے دائرہ وِچ رہ کے اپنے خیالات ماں بولی وِچ ونٛڈ سکڽ۔
تُہاڈے کولوں کِیہ چاہیدا ہے؟ اِیہہ فورم ساڈے ساریاں دا سانٛجھا ہے۔ تُہاڈی لِکھی ہوئی ہر اِک پوسٹ، گل بات یا نِکی جئی رائے وِی ساڈی بولی دا مان وَدھائے گی۔
اَسیں اُمید کردے آں کہ تُہاڈا اِیتھے رہنا سوہڽا لنٛگھے گا۔ لِکھو، سانٛجھ پاؤ، تے اپنے دِلاں دے وَلولے اپنی ماں بولی وِچ بیان کرو۔تُسیں ایتھے اردو، انٛگریزی یا گورمُکھی وِچ وِی لِکھ سکدے ہو پر ہووے پنٛجابی بولی بارے۔
( اِیتھے بچے، بچیاں تے عورتاں وِی موجود ہن ایس لئی تحریر کردے ویلے اخلاق نُوں ہتھوں نا چھڈّنا۔)
وَسدا رہوے پنٛجاب تے وَسدی رہوے پنٛجابی!
نیک تمناواں نال،
انتظامیہ (Admin)