بادام کا دودھ Almond milk

ایک کپ بادام کی گری ( بغیر چھلکے کے)  کو باریک پیس لیں، اس میں تین کھانے کے چمچ شہد اور ایک چمچی ونیلا ڈالیں اب آہستہ آہستہ دو کپ پانی کے گھولنے کے ساتھ ساتھ ڈالیں، پھر چھان لیں۔استعمال سے پہلے ہلا لیں۔

ناریل کا پانی Coconut water
Coconut juice

تازہ ناریل کو جب توڑا جاۓ تو اس میں سے ملتا ہے۔

ناریل کا دودھ Coconut milk

باریک کَٹی ناریل کو برابر مقدار میں ابلتے ہوۓ پانی میں ملائیں اور ایک گھنٹہ کے لۓ رکھا رہنے دیں پھر کپڑے سے چھان لیں .

ناریل کا مکھن Coconut butter

کدوکش کیا ہوا ناریل لے کر اسے ہلکی آنچ پر ہلکا سا بادامی کر لیں۔ گرم گرم کو بلنڈ کریں کہ وہ مکھن کی طرح بن جاۓ۔

ناریل کی ملائی Coconut cream

یہ کافی گاڑھی اور میٹھی ہوتی ہے۔تازہ کدوکش کۓ ہوۓ ناریل کو نمدار کپڑے میں رکھ کر نچوڑ لیں اس پانی کو کچھ دیر رکھ چھوڑیں تو ملائی اوپر آ جاۓ گی ۔اس کی بجاۓ ناریل کا دودھ استعمال کر سکتے ہیں ، ایک کپ کریم یا condensed milk میں ¼ چمچی ناریل کا ست ملا کر استعمال کر لیں۔

Horchata

یہ سپین کا مشروب ہے۔آپ خود بنائیں۔ ایک کپ چاول چھ کپ گرم پانی میں دو گھنٹہ کے لۓ بھگو لیں۔پھر بیس منٹ ہلکی آنچ پررکھیں اب اسے بلنڈ کر لیں اور چھان لیں۔ ایک چمچی ونیلا اور ½ کپ چینی ملا لیں۔

Oat milk

ایک کیلا ، ایک کپ پکے ہوۓ جَو دو کپ پانی کو بلنڈ کر لیں۔ اس میں ایک چمچی ونیلا ڈال سکتے ہیں۔ اس کی جگہ گاۓ کا دودھ استعمال ہو سکتا ہے۔

Rice milk

چار کپ گرم پانی، ایک کپ پکے ہوۓ گرم چاول اور ایک چمچی ونیلا کو بلنڈ کر لیں اسے ایک گھنٹہ بغیر ہلاۓ رکھا رہنے دیں، پھر اوپر سے دوسرے برتن میں نتھار لیں باقی کا پہلے برتن والا ضائع کر دیں، کم از کم چار کپ نکلے گا۔

Soy milk
Soymilk , Soy beverage , Soya milk , Soya beverage

سویابین کو دھو کر رات بھر کے لۓ بھگو دیں، اب انہیں بلنڈ کریں پانی کے ساتھ۔ اسے ابلنے کے لۓ رکھیں اور جب ابلنے لگے تو چولہا ہلکا کر دیں کم از کم 30 منٹ پکنے دیں۔اسے باریک کپڑے سے چھان لیں اور اگر محسوس کریں کہ گاڑھا ہے تو پانی ڈال لیں اس میں نمک اور چینی اپنی مرضی سے ڈالیں۔