☰ open

 

Bikram Sambat (Bikram Samvat), Bikrami calendar (Punjabi desi months and year)

Edited on 6 August, 2018 by admin

بکرمی سمّت (پنجابی کلینڈر، ہندو کلینڈر، نانک شاہی کلینڈر، دیسی مہینے)

 شمسی سال  توں پہلے برصغیر وِچّ  بِکرم تقویم ( بکرم سمّت) رائج سی، ایہہ فلکی سال (Sidereal Year) تے قمری مہینے دا سمّت ہے، قمری مہینے ہون پاروں بِکرم سمّت دے مہینیاں دا حساب اگے پچھے ہوندا رہندا ہے کیوں جے قمری سال دے ٣٥٤ دن ہن، جد کے ایس دے مہینے موسم دے حساب نال معٰنی رکھدےہَن (جُولینی تقویم  یعنی تقویمِ قیصری، جیہڑا کہ جولیئس سیزر نے  46 سال قبل مسیح متعارف کرایا سی تے نظرثانی دے بعد گریگورین کیلنڈر کہلایا وِچ 365 دن 5 گھنٹے 48 منٹ تے 46 سیکنڈ ہَن۔)۔

بِکرمی تقویم ٥٧ قبل مسیح توں شروع ہوندا ہے۔ بِکرم سمّت نوں ہندو کلینڈر وی کہیا جاندا ہے تے ایہہ اج وی شمالی، مشرقی تے گجرات بھارت وِچّ اپنی پرانی شکل وِچّ رائج ہے۔ کِتے ایہہ قمری سال ہے تے چیت مہینے توں شروع ہوندا ہے تے  شمسی سال بیساکھ مہینے  توں تے کِتے کاتک توں۔ ایہہ بکرمی تقویم برصغیر وِچّ  ورتیا جاندا سی، بعد وِچّ اسلامی تے گریگورین وی ورتے جان لگے۔

بِکرمی سمًت ١٩٦١ توں بعد اس دے مہینیاں دے حساب دے اگے پچھے ہون کارن چندرا شمشیر نے جوتشیاں دے مشورے نال تبدیلی کیتی، ہن بکرم سال وِچّ گریگورین تقویم وانگر ٣٦٥ دن ہن (  ایس مشکل نوں دیکھدے ہوئے ، گرونانک دی پیدائش 14 مارچ 1469 عیسوی  توں پنجابی کیلنڈر وی شروع کیتا گیا ہے، تے ایس دے مہینے دے ناں گروگرنتھ صاحب وِچّوں لئے گئے ہن جیہڑے کے کافی حد تک بِکرم تقویم نال ملدے جُلدے ہَن۔ )۔

 پاکستان دے دیہات وِچّ وی بِکرمی تقویم ورتیا جاندا ہے۔ بِکرمی تقویم  چیت دے مہینے وِچّ نویں چَن نکلن تے شروع ہوندا ہے، تے سورج نکلن توں اگلے سورج نکلن تک اِک دن گِنیا جاندا ہے۔ دِن وِچّ اَٹھ پہر ( یعنی ٢٤ گھنٹے) ہوندے ہن۔ ہر پہر تِن گھنٹے دا ہوندا ہے۔

پہلا پہر :  دھمّی ویلا ۔   چھ بجے توں نو بجے تک۔
دوجا پہر :  سویر ویلا ۔ نو بجے توں باراں بجے تک۔
تیجا پہر :  پیشی ویلا ۔ باراں بجے توں تِن بجے تک۔
چوتھا پہر :  دِیگر ویلا ۔ تِن بجے توں چھ بجے تک۔
پنجواں پہر :  نِیماشاں ویلا ۔ چھ بجے توں نو بجے تک۔
چھیواں پہر :   کُفتاں ویلا ۔ نو بجے توں باراں بجے تک۔
ستواں پہر :  اَدھ رات ویلا ۔ باراں بجے توں تِن بجے تک۔
اَٹھواں پہر :  سرگھی ویلا ۔ تِن بجے توں چھ بجے تک۔

جے تُسی عیسوی (گریگورین) کلینڈر توں بِکرمی تقویم ( یا ایس توں اُلٹ) دی تاریخ جاننا چاہندے ہو تے تھلے دِتے طریقے نال  معلوم کر سکدے ہو، ہو سکدا ہے کہ اِک ادھے دن (اگے یا  پچھے) دا فرق ہووے، تسی تھلے دِتے طریقہ نال دیسی تاریخ وِچّوں نفی یا عیسوی تاریخ وِچّ جمع کر لؤ  ( یاد رہووے دیسی سال چیت دے مہینے توں شروع ہوندا ہے۔) :۔

The basic formula of conversion:
Desi Date to English: Subtract - 56 Years - 09 Months - 17 Days
English Date to Desi Date: Add - 56 Years - 09 Months - 17 Days 


Bikram Sambat

Nanakshahi calendar
Nanakshahi calendar
یہاں سے نقل کر کے اپنی سائیٹ پر شائع کرنے سے پہلے تصدیق کر لیں کہ کیا ہم نے یہاں درست لکھا ہے۔
دیسی مہینے تے آکھان (کہاوت) ، محاورے  Desi mahene and Saying, Desi Month and Saying
Back to Previous Page

سَجنا! بولن دی  جا ناہیں
اَندر  باہر  اِکّا  سائیں، کِس  نُوں  آکھ  سُنائیں
اِکّو  دِلبر  سَبھ  گھٹ رویا،  دُوجا نہیں  کدائیں
کہے حسین فقیر نمانا،  سَت گُر توں بَل جائیں
شاہ حسین




ایتھے لکھے گئے کئی مضمون پنجابی وکیپیڈیا تے اردو ویب محفل جیهی ویب سائیٹ اتے کاپی کر کے آپنیا ناواں نال لائے هوئے هن ۔ بهت هی افسوس دا مقام هے۔ یاد رهووے ایهه کتاب دی شکل وچ چھپ وی چکے هے۔

بیٹھک  

Pages


Desi Calendar

For better view the web site requires the download of ; 'Roz Urdu Punjabi Nastaleeq Shahmukhi Font.


جو شخص ظلم اور نا انصافی کی تائید کرے گا ( اسے شفاعتِ سیّئہ کہ کر پکارا گیا ہے ) تو اس کے تباہ کن عواقب میں وہ بھی شریک ہو گا۔