Hazrat Baba Fariduddin Ganjshakar
بابا فرید دے شلوک (بول) :
شلوک دا لفظ گورو نانک ہوری آپے ورتیا سی کیوں جے اوہ ہندو مت ہون دی وجہ نال مجبور سی کہ ہندی دا لفظ استعممال کرن۔ بول دا لفظ وی اوناں ہی قدیم ہے جِناں شلوک دا، پر شلوک دے مقابلے وچ بول عام سمجھیا جاندا ہے۔ بولیاں یا بول پنجابی شاعری دا اک اجیہا قدیم رنگ ہے جیہڑا شروع توں ہی پنجابی وسیبے اپنی خوشی غمی دے اظہار لئی استعمال کر دے ہن۔ ایہہ شلوک قدیم ملتانی زبان وچ ہن تے ایہناں وچ عربی تے فارسی لفظ وگاڑ کے لکھے گئے ہن۔ ایہناں دی شاعری توں پتہ لگدا ہے کہ ایہناں دی شاعری تبلیغی، اصلاحی تے تعمیری سی تے ایہناں دے آلے دوالے ریہن والے پنجابی سن، تے اوہ وسنیک عربی تے فارسی دے جانو نہیں سن، ایہناں وسنیکاں دی مقامی تے علاقائی زبان پنجابی سی۔
خیال کیتا جاندا ہے کی گورو نانک ہوراں گرنتھ وچ ایہناں بولاں دی شکل صورت اپنے تصرف دی وجہ نال بہت ساری بدل دتی ہے، مثلاٍ
جِت دیہاڑے دھنوری ساہے لئے لکھائے
مَلک جُو کنَیں سُنینٛدا مُن٘ہ وکھالے آئے
گورو گرنتھ وچ ایہدی شکل اِنج ملدی ہے
جتُو دہاڑے دھنوری سالہے لئی لکھائی
ملک جی کنیں سنی دا مُنہ وکھالے آئی
