کُجھ لفظاں دی املا جیہڑے عام ورتوں وِچ  آندے ہن:

”ح ” اور ”ع ” دی آواز پنجابی ( مشرقی تے مغربی دوناں ) وِچ موجود نہیں ہے، ایسے لئی گرومکھی لپی وچ ایہناں لئی کوئی حرف نہیں رکھیا گیا کیوں جے اوہ عربی تے فارسی لفظ بولدے نہیں جیہناں وچ ایہہ آوازاں ہن، پر مغربی پنجابی وچ اسی عربی تے فارسی دے الفاظ استعمال کردے ہاں تے ایہناں دےہجے اوہی لکھے جاندے ہن جیہڑے اوس زبان دے ہون تاکہ ریسرچ کرن والا جان سکے کہ ایہہ لفظ کتھوں آیا۔ کجھ لوک پنجابی وچ بولی جان والی آدھی ہ نوں ع نال بدل دیندے ہے جیہڑا پنجابی زبان تے ظلم ہے کیوں جے پنجابی وچ ع دی آواز ہے ہی نہیں،  یا ایہہ وی دیکھن وچ آندا ہے کہ کجھ لوگ ایہہ ہ لکھدے ہی نہیں ۔لفظ دی آخری  ہ  نوں الف نال بدلیا جا سکدا ہے مثلاً ساوہ  = ساوا۔

پنجابی زبان دیاں کُجھ آوازاں اجیہاں ہن جیہناں لئی کوئی حرف نہیں گھڑیا گیا ، اوہناں دا ڈھکواں اُچارن تھلے دسیا جاندا ہے:-

ایہو جہیاں آوازاں اوہ ہن جیہناں دا اچارن صرف ماجھے وِچّ  ہُندا ہےتے زبان دے وسیع مفادات دے پیشِ نظر لکھنا اکو جیہا ہے ایس  پاروں ایہناں آوازاں واسطے وادُھو نقطے پاون دی لوڑ نہیں  (جیویں  جشوافضل الدین ہوراں اک واری پنجابی دربا ر وِچّ تجویز پیش کیتی سی ، پر ایہہ گل اگانہہ نہ چل سکی)۔ کجھ لوگ  پنجابی وچ  بھرا لئی استعمال ہون والے لفط نوں “ پہاپا” لکھدے ہن جد کے ایس دے ہجے ایہہ ہن ” بھاپا”

مصدر دے آخر وچ نُون غُنہ لکھنا وی ٹھیک نہیں۔ ضمیری لاحقہ  ” نیں ” نوں  ” ہیں ” دی تھاں استعمال نہیں کرنا چاہیدا۔

پنجابی کس طرحاں لکھی  تے پڑھی جاۓ۔