Punjabi and Punjab  ਪੰਜਾਬੀ ਤੇ ਪੰਜਾਬ

Nanakshahi calendar (Punjabi Calendar = Desi year)

پنجابی سمّت  ( نانک شاہی کلینڈر= دیسی سال)

پنجابی کلینڈر (شمسی سال) توں پہلے ایتھے بِکرم سمّت ( وِکرم سمّت) رائج سی، ایہہ فلکی سال (Sidereal Year) ہے یعنی جس مدت وچ  سورج دے گرد زمین گردش پوری کر لیندی ہے جیہڑا کے 365 دن 6 گھنٹے، 9 منٹ تے 10 سیکنڈ وچ پورا ہُندا ہے۔ جد کے جُولینی تقویم  (تقویمِ قیصری){ جیہڑا کہ جولیئس سیزر نے  46 سال قبل مسیح متعارف کرایا سی تے نظرثانی دے بعد گریگورین کیلنڈر کہلایا} وِچ 365 دن 5 گھنٹے 48 منٹ تے 46 سیکنڈ ہَن۔  جس وجہ نال بکرم سمّت دے میہنہیاں دا حساب اگے پچھے ہندا رہندا ہے، جد کے ایس دے میہینے موسم دے حساب نال معٰنی رکھدےہَن۔  ایس مشکل نوں دیکھدے ہوئے ، گرونانک دی پیدائش 14 مارچ 1469 عیسوی  توں ایہہ پنجابی کیلنڈر شروع کیتا گیا ہے، تے ایس دے میہنے دے ناں گروگرنتھ صاحب وچوں لئے گئے ہن جیہڑے کے کافی حد تک بِکرم سمّت نال ملدے جُلدے ہَن۔ 


 
Back to Previous Page

دُبدھا   وِچ   نہ  مایا   نہ   رام   مِلدا،  عالم   ایہہ   وچار  وچا ر دا اے
جیہڑا  عشق  گرداب  وچ  ڈِگ  پَیندا، نہ اَو  رار دا  نہ  رہندا  پار دا اے
ہُن مَیں دیر  وَل جاواں کہ حَرم  وَلّے، خوف دوہاں دا  ای پیا مار دا اے
ایدھر کرم  بُلاؤندا  اے  شیخ  مینوں، اُودھر صَنم  بھی پیا  پُکار  دا اے