Punjabi and Punjab  ਪੰਜਾਬੀ ਤੇ ਪੰਜਾਬ



Punjabi to Urdu Dictionary

پنجابی اردو ڈکشنری

Sardar Muhammad Khanلسانیات دے اُگھے ماہر تے سِر کڈھویں کھوج کار سردار محمد خاں پہلی جنوری 1915ء نوں بستی دانشمنداں ، ضلع جالندھر وچ پٹھاناں دے اک معزز خاندان وِچ پیدا ہوۓ۔ اوہناں نے اسلامیہ ہائی سکول جالندھر توں 1930ء وچ میٹرک کیتا تے فیر ڈی اے وی کالج جالندھر وچ داخلہ لیا۔ 1934ء وِچّ پنجاب یونیورسٹی توں بی اے کیتا۔ تعلیم مکمل کرن مگروں نوکری کر لئی تے جی ایچ کیو راولپنڈی توں ریٹائر ہوۓ۔

ایہناں آکسفورڈ دی ساری ڈکشنری اک اک حرف پڑھی سی تے ایس وِچوں غلطیاں کڈھ کے آکسفورڈ ڈکشنری والیاں نُوں چٹھی لکھی سی تے ایہناں غلطیاں بارے دسیا سی تے آکسفورڈ نے  منیا  سی پئی اوہناں صیحح دس پائی اے تے اوہ غلطیاں سُودھ لئیاں گئیاں سی۔

اﷲ تعالٰی نے اوہناں نوں بڑا چنگا ذہن دتا سی ، اوہ لسانیات دے ماہر سن پر اوہ حساب، علم نجوم، پامسٹری تے موسیقی وِچّ وی ڈاڈھی مہارت رکھدے سی، مذہب دا  وی اوہناں دا گہرا مطالعہ سی۔اِینے علماں نوں جانن دے باوجود اوہناں نے بہت گھٹ لکھیا تے اوہ  وی اوہناں دے ناں نال نہیں چھپیا کیوں جے جی ایچ کیو وچ ملازم ہون دی وجہ نال اوہ اپنے ناں نال کُجھ نہیں چھاپ سکدے سی ( ایہناں اپنی بیوی ایس خانم دے ناں تے لکھیا )۔ ریٹائر ہون دے بعد کُجھ کتاباں اوہناں دیاں چھپیاں سی ۔ Sardar Muhammad Khan

کُلیاتی اصواتِیات ( 1972ء )۔
 زبانیں اور رسم الخط ( 1972 ء )۔
 پنجابی زبان اور اس کی بولیاں 
کشمیری زبان کا قاعدہ
 گورمکھی لِپی
پنجابی اُچارن ڈکشنری
 تذکرۃ الانصار ( اردو ترجمہ ) وغیرہ

سردار محمد خاں ہوراں دا سَبھ توں وَڈا کم اوہناں دی پنجابی اردو لغت ہے  جو اوہناں نوں رہندی دنیا تائیں جیون٘دیاں رکھے گی۔ اوہناں  ڈکشنری دا کم 1947 وِچّ شروع کیتا تے اوہناں  ایہہ لغت اپنی بیوی ایس خانم دے ناں نال 1965 وِچ چھاپنی شروع کیتی سی " الف " دے 152 صفحے چھاپے سی تے اہستہ اہستہ چھاپن دا ارادہ سی پر کجھ مشکلات دی وجہ نال ایہہ کم توڑ نہ چڑھیا۔  ایس ڈکشنری دے کئی ورقے امروز اخبار تے ماہنامہ پنجابی لاہور  وِچ چھپدے رہے ہے۔   1966 وِچ آصف خان ہوراں سہگل فاؤنڈیشن دے ٹرسٹی نال ایس نوں چھاپن بارے گل کیتی پر ایہہ گل توڑ نہ چڑھی ،  پر  آصف خان ہمت نہ چھڈی تے 1983 وِچ پنجاب دے گورنر تک وی ڈکشنری دی چھپائی لئی امداد دی گل پہنچائی پر ایتھے وی گل توڑ نہ چڑھی ،  فیر آصف خانصاحب ہوراں 1986 وِچ ڈاکٹر وحید قریشی صاحب اَگے ایہہ گل کیتی اوہناں امداد دِلان دی حامی وی بھر لئی تے آکھیا کہ ڈکشنری دی پہلی جلد 1986 وِچ ہی چھپ جانی چاہیدی ہے  پر ایہہ وعدہ وی پہلے وعدیاں وانگوں توڑ نہ چڑھیا تے پنجابی بورڈ ولیاں آپوں ایہہ ڈکشنری بغیر امداد دے ہی چھاپن دا فیصلہ کر لِتا، بعد وچ  1996 وِچ اکادمی ادبیات پاکستان اسلام آباد والیاں  ایس دا مسودہ پنجابی ادبی بورڈ کولوں لے لیا تے وعدہ کیتا کہ پنجابی بورڈ دے تعاون نال اوہ 1997 تک ایس نوں چھاپن گے ، تے سردار مُحمّد خاں اپنی حیاتی وچ پنجابی ادبی بورڈ دے سکریٹری مُحمّد آصف خاں نُوں ڈکشنری دا مسودا تقریباً پورا کر کے ( باقی دا مسودا ایہناں دی گھر والی نے تیار کر کے دِتا) سونپ دِتا، تے فیر اوہ   26 مئی 1998 وچ ساہ پورے کر گئے، تے پچھوں کجھ چر مگروں مُحمد آصف خان وی ایہہ کم تور نہ چاڑھ سکے تے ساتھوں مُؤنہ موڑ گئے۔سردار محمد خاں ہوراں پنجابی دیاں  70 بولڑِیاں دی نشان دہی کیتی ہے۔ کنیاں لفظاں بارے بھرویں مضمون وی شامل کیتے گئے ہن۔  افسوس ایس گل دا ہے کہ ایہہ ڈکشنری اوہناں دی تے اوہناں دی بیوی دی حیاتی وچ نہ چھپ سکی ۔

 ڈکشنری دی کمپوزنگ وغیرہ پاکستان پنجابی ادبی بورڈ کروائی ہے تے ایہہ ڈکشنری سچل سٹوڈیوز ( مشتاق صوفی ، عزت مجید ) تے پاکستان پنجابی ادبی بورڈ ولوں سانجھے پکھوں دو جلداں تے تین ہزارپنج سو بیاسی صفحات نال چھاپے چڑھی ہے ، ایس دی مکھ وکھالی گیارہ اگست   2009   نوں ہوئی۔ ڈکشنری دا کم تاں سرکاراں تے اداریاں دا ہونٛدا ہے پر اکلے بندے اک اجیہا کم کیتا جے پنجابیاں توں ایہہ اُلاہمہ لاہ چھڈیا پئی اوہناں کول کوئی کم دی ڈکشنری نہیں۔

Dictionaryسردار مُحمّد خاں ڈکشنری دا دیپاچہ وی لکھنا چاہندے سی تے کافی سارا لکھیا وی پر کسی وجہ نال پہلے ایڈیشن وچ نا چھپ سکیا، پر امید ہے اگلے ایڈیشن وچ ضرور شامل کیتا جائے گا، خاص طور تے پنجابی دے پڑھن دا طریقہ۔ سردار مُحمّد خاں دی تصویر تبدیل ہونی چاہیدی ہے۔ ایہدے نال پہلے ایڈیشن وِچّ ایس خانم  نوں ایہناں دی دھی لکھیا گیا ہے جد کہ ایس خانم ایہناں دی گھر والی سی۔

صفحہ نمبر 12 اُتے "پنجابی کی بولیاں و فرعی بولیاں" وچ کجھ دو بار لکھ دِتیاں ہن تے تھلو: تھلو چڑی ، ج: جٹکی (418) ، جا : جانگلی (430) ، ک : کاچھڑی (423) ، کن: کنڈیالی (649) کو : کوہاٹی ، ہنز : ہندکو ہزارہ ،  وغیرہ  لکھنا رہ گیا۔

صفحہ نمبر 540 اُتے "بھَسبھَسا " لفظ تے " ب " ختم ہو جاندی ہے جد کہ ایس توں اگے بہت سارے الفاظ پئے ہن ۔ ایس دا آخری لفظ "بَیئِیں" چاہیدا ہے۔

"س" دی تختی وی پوری نہیں چھپی ، ایہہ "سیجیا" اُتے ختم ہو گئی ہے جد کہ ایس وچ آخری لفظ " سَیئِیا" آنا چاہیدا ہے۔

صفحہ نمبر 1742 دے آخر وچ " ذ " دے اختتام تے "ڈ " دا شروع لکھ دِتا ہے جد کے ایہہ "ڈ " دے شروع وچ لکھنا سی۔

ہجیاں دیاں بہت ساریاں غلطیاں ہن تے ایہدے نال نال انگریزی دے بہت سارے لفظاں دے ہجے غلط نیں ۔

ایس وچ اِیہو جہیاں ہور غلطیاں دی نشاندہی ایس دا مطالعہ کرن دے نال نال ہُندی رہوے گی تے امید ہے کہ پنجابی ادبی بورڈ والے ایس پاسے دھیان دین گے۔

اسی کوشش کر رہے ہیں کہ ایہناں نے جو کچھ لکھیا اوہ اسی اک کتاب دی شکل وچ لے آیئے۔


اخبار وچ چھپیا سردار محمد خاں بارے
پنجابی الف بے دی پٹی   Punjabi Alphabet, Shahmukhi
لسانی اِکائی - لفظ   Word

 
 Back to Previous Page


ایسے سخت سیاہ سَن عمل میرے ،  کہ مَیں ٹھوکراں تھیں پائمال ہُندا 
پُرزے  پُرزے کر چَھڈ دے لوک مینوں ،  جُدا جُدا  میرا  وال  وال ہُندا
پتھّر  برس  دے  وانگ  منصُور مینوں ، گریبان  دامن  میرا  لال  ہُندا
جے نہ رَب دی ذات رحیم  ہُندی ، کرم دیکھ دوں  کیہہ تیرا حال ہُندا


Comments

All Comments

M.Ansar Malik
07 Jan 2015, 15:23
Aslam o Alaikum

eh download keeti ja sakdi ay k nai ? punjabi keyboard kithon download keeta ja sakda ay ?
link te send ker deo
merbani howay gi

admin
09 Jan 2015, 00:17
لنک حاضر ہے

http://www.punjabiandpunjab.com/Font_Licence.html

نہیں اہ ڈکشنری ڈاؤن لوڈ نہیں کیتی جا سکدی، اہ پنجابی ادبی بورڈ نے چھاپی ہے۔


Sarwar Bhatti
31 May 2015, 03:41
Can i buy this dictionary from lahore?

admin
31 May 2015, 13:29
جی۔ پنجابی بورڈ نال رابطہ ایس نمبر تے کر سکدے او : 03004117262

ٰInayat Ullah Gondal
30 Apr 2016, 04:15
پنجابی ڈکشنری کتھوں مل سکدی اے تے ایہدا مُل کی اے۔

admin
02 May 2016, 13:02
@ ٰInayat Ullah Gondal

دو جلداں دی ایس ڈکشنری دی قیمت 3500 روپئے ہے تے تھاڈے شہر وچ کتھے ملو ایہہ تے نہیں پتا، جملہ حقوق پاکستان پنجابی ادبی بورڈ لاہور کول ہن۔ پنجابی بورڈ نال رابطہ ایس نمبر تے کر سکدے او : 03004117262 ، تے سچل سٹوڈیوز 03008479351

Kamran Gondal
29 Jun 2016, 00:35
sir jee bhut vadia kawshan nee tuhadian maa boli dy hwaly nal.

admin @ Kamran Gondal
29 Jun 2016, 13:55
حوصلہ ودھاؤن دا شکریہ۔

zahid
07 Aug 2016, 10:35
خیر نال وسدے رہو
میں اک لفظ دا مطلب پتہ کرنا سی "اوسیاں" شفقت کر کے ایہدا مطلب دس دیو جی

admin @ zahid
10 Aug 2016, 10:29
لوکی سوال دا جواب پڑھ کے وی دعا نہیں دیندے تے تُسی سوال نال ای دعا دے چَھڈی ہے بہت چنگا لگا۔
 اَوسِیاں جمع ہے اَوسی (= اوَں٘سی = ہون٘سی) دی، تے اَوسی دا مطلب ہے کسی گل دا ( خاص طور تے مسافر دے واپس آن دا) قیافہ لان لئی زمین تے کھچی گئی تصویر۔ اوسیاں پانا دا مطلب ہے ” انتظار وِچ فالاں کڈھنا“۔

Mohammed umar kadri
18 Apr 2017, 22:42
As salam. Menu is dictionary di kimat jyada lag. India te tum you vi dictionary lo. Inna rate 500 INR se jyada no vadh da.

Mohammed umar kadri
18 Apr 2017, 22:51
Please minimise rate of this. If you want to promote adab-e-punjabi . Then minimise all rate of all books even dictionary. If you want promote Punjabi then make PDF or image format of this dictionary . Because all languages website had loaded
All books and others even dictionary but I got Gurmukhi Punjabi dictionary at Rs 300 just but but when those are interested in shahmukhi Punjabi,
They can't get it.

Mohammed umar kadri
18 Apr 2017, 23:00
Please make all books in PDF or images . It may help to promote your language . Rather than it will not beneficial. 3500 rupees is not a joke for students. Nothing is to promote so it's my humble request note it down sir.

admin @ Mohammed umar kadri
19 Apr 2017, 22:30
ایہہ ڈکشنری پنجابی ادبی بورڈ دی ملکیت ہے تے ایہناں کول ہی ایہہ حق ہے کہ اوہ چاہن تے ایہدی پی ڈی ایف بنان۔ ہاں تہانوں جے کسی لفظ دا مطلب چاہی دا ہے تسی سانوں دسو اسی ایس لفظ دا مطلب تہانوں ضرور دساں گے۔

Imran kalyar
23 Jun 2017, 16:19
مینوں لفظ الوگڑ دا مطلب تفصیل وغیرہ چاہی دی اے۔



All Comments

*Name:
Email:
Notify me about new comments on this page
Hide my email
*Text:
 
Powered by Scriptsmill Comments Script


شبد بھنڈار
Punjabi Poetry
Punjabi Lessons
ماہیا۔ٹپے  

"Punjabi Vocabulary"

Pages

جب گواہوں کو طلب کیا جائے تو وہ حاضری سے انکار نہ کریں۔


  
Desi Calendar

For better view the web site requires the download of ; 'Roz Urdu Punjabi Nastaleeq Shahmukhi Font.

Recent Comments

مینوں لفظ الوگڑ دا مطلب تفصیل وغیرہ چاہی دی اے۔ ....... Read more ----Imran kalyar

Производство светодиодных табло валют, бегущих строк, табло для АЗС. <a href=http://ledbe ....... Read more ----Joseph42

نہیں ہیگا۔ ....... Read more ----admin @ Saikhu jutt

bonjour ! quelqu’un sait a manière dont blanchir des dents avec des solutions <a href=http://www.accouchement-reussi.com/article4/tarif-co ....... Read more ----AAmbiff

برتن لوہے دے کدی ٹُٹدے نہیں مالی اپنے باغ نوں کدی پُٹدے نہیں ٹُٹ جاندے نے کئی وار خ ....... Read more ----Hafeez

All Comments





Desi Calendar